‘तर ऐश्वर्या रायचा बलात्कार करायला मिळालं असतं’; अभिनेत्याचं धक्कादायक वक्तव्य

“जेव्हा मला समजलं की तृषासोबत मला एक सीन शूट करायचा आहे, तेव्हा मी विचार केला की एखादा बेडरुम सीन असेल. मी तिला बेडरुममध्ये घेऊन जाईन, जे मी आधीही अनेक अभिनेत्रींसोबत केलं आहे. मी याआधीही बलात्काराचे अनेक सीन्स शूट केले आहेत. यामध्ये नवीन असं काहीच नाही. मात्र काश्मीरमध्ये शूटिंग सुरू असताना मला तृषाला पहायलासुद्धा दिलं गेलं नाही”, असं तो म्हणाला होता. त्याच्या या वक्तव्यानंतर सोशल मीडियावर तीव्र संताप व्यक्त करण्यात आला. तृषानेही त्यावर प्रतिक्रिया देत मंसूरसोबत कधीच काम करणार नसल्याची भूमिका घेतली. यादरम्यान आता सोशल मीडियावर अभिनेता-राजकारणी राधा रवी यांचा एक व्हिडीओ व्हायरल होत आहे. यामध्ये ते अभिनेत्री ऐश्वर्या रायबद्दल धक्कादायक वक्तव्य करताना दिसत आहेत.

राधा रवी यांचा हा व्हिडीओ गायिका चिन्मयी श्रीपदाने सोशल मीडियावर पोस्ट केला आहे. हा व्हिडीओ पोस्ट करत तिने त्यांच्यावरही कारवाई का झाली नाही, असा सवाल केला आहे. या व्हिडीओत राधा रवी हे तमिळमध्ये बोलत आहेत. चिन्मयीने व्हिडीओच्या कॅप्शनमध्ये त्याचं भाषांतर इंग्रजीत केलं आहे. ‘मी एकदा म्हटलं होतं की जर मला हिंदी बोलता आलं असतं तर मला ऐश्वर्या रायचा बलात्कार करायला मिळाला असता. मला असं म्हणायचं होतं की मला तिच्यासोबत बॉलिवूडमध्ये काम करायला मिळालं असतं. मला तमिळमध्ये या पापी लोकांसोबत काम का करावं लागलं असतं’, असं राधा रवी म्हणाले.

आश्चर्याची बाब म्हणजे राधा रवी यांच्या या वक्तव्यावर उपस्थित प्रेक्षक जोरजोरात हसू लागतात. राधा रवी यांनीसुद्धा मंसूर अली खानप्रमाणेच आक्षेपार्ह वक्तव्य केलं आहे. ‘या व्यक्तीने ऐश्वर्या रायबद्दल इतकी वाईट टिप्पणी केली. मला हे जाणून घ्यायचं आहे की कोणालाच त्या व्यक्तीविरोधात कारवाई कराविशी वाटली नाही का’, असा सवाल चिन्मयीने हा व्हिडीओ पोस्ट करत केला आहे. काहींनी असंही म्हटलंय की चिन्मयीने अर्धवट भाषांतर केलं आहे. राधा रवी चित्रपटांमधील नकारात्मक भूमिकांबद्दल बोलत होते, असं एकाने लिहिलं आहे. तर ‘राधा रवी हे त्यांना मिळणाऱ्या भूमिकांबद्दल बोलत आहेत. त्यांना तमिळ भाषा येते म्हणून त्यांना तमिळ अभिनेत्रींच्या बलात्कारांच्या भूमिका मिळतात. जर हिंदी आली असती तर ऐश्वर्या रायसोबतचे सीन्स मिळते’, असं दुसऱ्याने म्हटलं आहे.