हार्दिक पांड्यासोबत घटस्फोटाच्या चर्चांवर नताशाची पहिली प्रतिक्रिया, व्हिडिओ आला समोर

हार्दिक पांड्या आणि नताशा यांच्यात घटस्फोट झाला तर हार्दिकला किती संपत्ती द्यावी लागणार आहे, यासंदर्भाच चर्चा सुरु आहे.
त्यानुसार हार्दिक पांड्या याला त्याचा संपत्तीचा 70 टक्के हिस्सा पोटगी म्हणून द्यावा लागणार असल्याचे सांगितले जात आहे.आयपीएलमधील मुंबई इंडियन्सचा कर्णधार हार्दिक पांड्या आणि बॉलीवूड अभिनेत्री नताशा स्टॅनकोविक यांच्या घटस्फोट होणार असल्याच्या अफवा सध्या सोशल मीडियावर व्हायरल होत आहेत. नताशाने तिच्या इंस्टाग्रामवरुन पांड्या नाव काढल्यानंतर सोशल मीडियावर या चर्चा जोरात सुरु झाल्या. तसेच नताशा आयपीएलमध्ये मुंबई इंडियन्सच्या समर्थन करणाऱ्या लोकांमध्ये दिसली नाही. यामुळे दोघांचा घटस्फोट होणार असल्याच्या चर्चा सुरु आहेत. या चर्चांवर जेव्हा नताशाला प्रश्न विचारण्यात आला, त्यावर तिने मोजक्या शब्दांत उत्तर दिले आहे.

काय आहे व्हिडिओमध्ये

नताशाला हार्दिक पांड्यासोबत घटोस्फोटच्या अफवासंदर्भात प्रश्न विचारण्यात आला. त्यावर नताशाने मोजक्या शब्दांत उत्तर दिले. ”थँक्यू व्हेरी मच”, असे उत्तर देत नताशा त्या ठिकाणावरुन निघून गेली. इंस्टाबॉलीवूड नावाच्या इंस्टा हँडलने हा व्हिडियो पोस्ट केला आहे. दरम्यान शनिवारी नताशा अभिनेत्री दिशा पटानी हिचा कथित ब्यॉयफ्रेंड एलेक्जेंडर एलेक्सलिक हिच्यासोबत सार्वजनिक जागांवर फिरताना दिसली. त्यानंतर वेगवेगळ्या चर्चा सुरु झाल्या आहेत.