देशभरात ऋतूचे वेगवेगळे रंग पाहायला मिळत आहेत. उन्हाळी हंगाम असूनही उत्तरेकडील डोंगराळ राज्ये जम्मू-काश्मीर, उत्तराखंड, हिमाचल प्रदेशमध्ये काही ठिकाणी पावसासह हिमवृष्टी होत आहे. हरियाणा, पंजाब, दिल्ली, उत्तर प्रदेश या उत्तरेकडील मैदानी राज्यांमध्ये रविवारी बहुतांश भागात मुसळधार ते हलका पाऊस झाला. झारखंड, छत्तीसगड व बिहारमध्ये कडक ऊन होते.
बंगालच्या उपसागरात मोचा चक्रीवादळ निर्माण झाल्याने हवामान विभागाने अलर्ट जारी केला आहे. त्यानुसार सोमवारपासून पुढील ५ दिवस नागालँड, मणिपूर, मिझोराम, त्रिपुरा, ओडिशा, उत्तर प्रदेश, हरियाणा, चंदीगड, दिल्ली, पंजाब, कोकण, गोवा, महाराष्ट्र, छत्तीसगड, तेलंगणा, कर्नाटक व केरळमध्ये कुठे जोरदार तर बहुतांश भागात मध्यम स्वरूपाचा पाऊस पडेल. आसाम, मेघालय, पश्चिम बंगालचा उत्तर भाग, उत्तराखंड, आंध्र प्रदेश, तामिळनाडू, पुदुच्चेरी येथे हलका पाऊस आणि गडगडाट होण्याची शक्यता आहे. उत्तराखंड, हिमाचल प्रदेशात गारपीट होण्याची शक्यता आहे. हवामान विभाग सोमवारी मोचाची तीव्रता आणि त्याच्या प्रभावामुळे होणाऱ्या नुकसानीच्या शक्यतांबाबत इशारा देऊ शकतो.
येथे जोरदार पाऊस होईल : अंदमान आणि निकोबार बेटे, अरुणाचल प्रदेश, हिमाचल प्रदेश, जम्मू आणि काश्मीर, लडाख आणि दक्षिण अंतर्गत कर्नाटकात गडगडाट आणि वादळासह मुसळधार पावसाची शक्यता आहे. लडाखमध्ये काही ठिकाणी बर्फवृष्टी अपेक्षित आहे.
उन्हाळ्याच्या मध्यात पाऊस का?
पहिले : हवामान खात्याच्या म्हणण्यानुसार, दक्षिणपूर्व बंगालच्या उपसागरात आणि लगतच्या भागात चक्रीवादळ तयार झाले आहे. त्याच्या प्रभावाखाली ८ मे रोजी सकाळी इतर भागात कमी दाबाचे क्षेत्र तयार होण्याची शक्यता आहे. ते हळूहळू चक्रीवादळ आणि नंतर ९ मे पर्यंत तीव्र चक्रीवादळात रूपांतरित होईल.
दुसरे : चक्रीवादळाचे परिचलन पूर्व-उत्तर राजस्थानवर कमी पातळीच्या रूपात आहे.
तिसरे : तामिळनाडू किनारपट्टीजवळ नैऋत्य बंगालच्या उपसागरात आणखी एक चक्रीवादळ तयार झाले आहे.
