लोकमत न्यूज नेटवर्क जळगाव : पाच दिवसांपासून सोन्याचे भाव पुन्हा वधारत आहेत. मंगळवार, २१ नोव्हेंबर रोजी त्याचे भाव ३०० रुपयांनी वाढून ६१,८०० रुपये प्रतितोळा झाले. चांदीच्या भावात सोमवारी ३०० रुपयांची झालेली वाढ मंगळवारीही कायम असून चांदी ७४,३०० रुपयांवर पोहोचली आहे.
लक्ष्मीपूजनाच्या मुहूर्तावर सोन्याच्या भावात २५० रुपयांची घसरण होऊन ते ६० हजार ६०० रुपये प्रतितोळ्यावर आले होते. त्यानंतर दुसऱ्या दिवशी पुन्हा २०० रुपयांची घसरण झाली होती.
