रितेश देशमुख राजकारणात येणार? देवेंद्र फडणवीस यांचा मोलाचा सल्ला, पाहा नेमकं काय म्हणाले?

तसेच अभिनेता रितेश देशमुख सुद्धा या कार्यक्रमात उपस्थित होता. या कार्यक्रमावेळी देवेंद्र फडणवीस यांनी आपल्या मनोगतमध्ये रितेश देशमुखला मोलाचा सल्ला दिला. विशेष म्हणजे त्यांनी महाराष्ट्राच्या राजकारणातील आगामी घडामोडींविषयी मोठा दावा केला. यावेळी त्यांनी रितेश देशमुखचा उल्लेख केला. त्यांनी रितेश देशमुख याच्या राजकारणातील एन्ट्रीबाबत महत्त्वाचं वक्तव्य केलं.

“तुम्ही पहिल्या वर्षी आम्हाला बोलवलं. पुढच्या वर्षी आम्हालाच बोलवा. पुढच्याही वर्षी डिसेंबरमध्ये एकनाथ शिंदे मुख्यमंत्री आणि मीच राहणार आहे. अर्थात याला एक कॅव्हिट आहे, रितेशजी राजकारणात यायचं नाही आणि आलात तर कुठून यायचं ते मी तुम्हाला सजेस्ट करतो, असा सल्ला देवेंद्र फडणवीस यांनी दिला. “आमच्यासोबत अजित दादांनाही बोलवा तेही एक वेगळे कलाकार आहेत”, असंदेखील देवेंद्र फडणवीस यावेळी म्हणाले.

‘मराठी रंगमंच हा अतिशय दमदार’

“तुम्ही हा पुरस्कार सुरु केला याचा मला अतिशय आनंद आहे. मराठी रंगमंच हा अतिशय दमदार आहे. देशामध्ये कलात्मकता ज्यांनी जपली ते आपण मराठी लोकं आहोत. कदाचित आमचं बजेट मोठं नसेल. पण मी हे दाव्याने सांगतो जी कलात्मकता मराठी सिनेमा, मालिकांमध्ये आहे ती कुठेच बघायला मिळत नाही. मराठी कलावंतांनी नाटक जिवंत ठेवलं आहे. नाटक जिवंत ठेवण्याचं सर्वात जास्त काम मराठी कलावंतांनी केलं आहे. त्यामुळे अशाप्रकारे पुरस्कार अतिशय महत्त्वाचे आहेत. कारण जे चांगलं आहे त्याचं कौतुक करणं हे अतिशय महत्त्वाचं आहे. ते आज या पुरस्कार सोहळ्याच्या माध्यमातून केलं आहे”, असं देवेंद्र फडणवीस म्हणाले.

देवेंद्र फडणवीसांची टोलेबाजी

“या ठिकाणी जवळपास सर्वच चित्रपटसृष्टीशी संबंधित आहेत. आमचे मुख्यमंत्री एकनाथ शिंदे हे सुद्धा या क्षेत्राशी संबंधित आहेत. कारण धर्मवीर चित्रपटाचे ते निर्माते आहेत. त्याचा पार्ट 2 देखील येतोय. प्रसाद ओक या ठिकाणी आहेतच. मीच एकटा असा आहे, नाही चित्रपटात तर श्रेया तुमच्याकडे मला एकदा रोल असेल तर बघा. कारण माझ्या एका व्हिडीओवरुन इतक्या मिम्स तयार झाल्या ते पाहिल्यावर माझ्या लक्षात आलं की हास्य कलाकार म्हणून आपल्याला थोडासा तरी चान्स आहे”, अशी टोलेबाजी फडणवीसांनी यावेळी केली.