सोलापूर : माहेरून 3 लाख आणण्यासाठी विवाहितेचा सासरी छळ; पती, सासू व नणंदेवर एमआयडीसीत गुन्हा दाखल…
4 जून 2026 : लग्नात हुंडा कमी दिला व माहेरून कर्ज फेडण्यासाठी 3 लाख रुपये आणले नाहीत या कारणावरून विवाहितेचा शारीरिक व मानसिक छळ करून तिला शिवीगाळ व मारहाण केल्याप्रकरणी पती, सासू व नणंद या तिघांविरुद्ध एमआयडीसी पोलिस ठाण्यात गुन्हा दाखल करण्यात आला आहे. 2010 पासून ऑक्टोबर 2025 पर्यंत तब्बल 15 वर्षे हा छळ सुरू होता, असे फिर्यादीत म्हटले आहे.
कोण आहे फिर्यादी?
संगिता अप्पाशा व्हनमारे (रा. 112, स्वागत नगर, सोलापूर) यांनी ही तक्रार दिली आहे.
आरोपी कोण?
1. अप्पाशा व्हनमारे – पती
2. लक्ष्मीबाई – सासू
3. श्रीदेवी प्रकाश वाघमारे – नणंद
सर्व रा. किसान नगर, अक्कलकोट रोड, सोलापूर
काय आहे प्रकरण?
FIR मधील हकिकतीनुसार, संगिता व्हनमारे यांचा विवाह 2010 साली अप्पाशा व्हनमारे यांच्याशी झाला. लग्नानंतर काही दिवसांतच आरोपींनी संगिता यांना त्रास देण्यास सुरुवात केली.
छळाची कारणे :
1. हुंड्यासाठी तगादा : लग्नात संसार उपयोगी सामान, सोने व पैसे दिले नाहीत असे म्हणत वारंवार टोमणे मारले.
2. मानपान नाही : सासरच्या लोकांनी योग्य मानपान केला नाही.
3. चारित्र्यावर संशय : घरातील किरकोळ कारणांवरून अपमानीत करून चारित्र्यावर संशय घेतला व अर्वाच्च शिवीगाळ केली.
4. पैशाची मागणी : माहेरून कर्ज फेडण्यासाठी 3 लाख रुपये घेऊन ये, अशी मागणी करून हाताने मारहाण केली.
5. घटस्फोटाची धमकी : पैसे आणले नाहीत तर घटस्फोट देण्याची धमकी देऊन शारीरिक, मानसिक व आर्थिक त्रास दिला.
15 वर्षांचा छळ
2010 पासून ऑक्टोबर 2025 पर्यंत सासरी राहत असताना हा छळ सुरू होता, असे फिर्यादीत नमूद आहे. अखेर त्रास असह्य झाल्याने संगिता व्हनमारे यांनी दि. 03/06/2026 रोजी रात्री 8.36 वाजता एमआयडीसी पोलिस ठाणे गाठून तक्रार दिली.
पोलिस कारवाई
संगिता व्हनमारे यांच्या तक्रारीवरून एमआयडीसी पोलिसांनी पती अप्पाशा व्हनमारे, सासू लक्ष्मीबाई व नणंद श्रीदेवी वाघमारे यांच्याविरुद्ध गु.र.नं. 561/2026, भा.न्याय संहिता कलम 85 – पती किंवा नातेवाईकाकडून क्रूरता, 115(2) – दुखापत, 352 – शांतता भंग करण्याच्या उद्देशाने अपमान, 351(2) – गुन्हेगारी धमकी, 3(5) प्रमाणे गुन्हा दाखल केला आहे.
या प्रकरणाचा तपास पोलीस हेड कॉन्स्टेबल 934 नवले (मो. 9423912532) हे करीत आहेत. अद्याप कोणालाही अटक करण्यात आलेली नाही.
