विधानसभेत राहुल गांधींच्या फोटोला जोडे मारणाऱ्यांना निलंबित करण्याची मागणी

राज्याच्या अर्थसंकल्पीय अधिवेशनाचा आज शेवटचा दिवस आहे. काँग्रेस नेते राहुल गांधी यांची खासदारकी रद्द केल्याच्या निर्णयाविरोधात विरोधक आक्रमक झाले आहेत. आज विधानसभेत लोकपाल विधेयक मंजूर होण्याची शक्यता आहे. त्यासाठी मुख्यमंत्री एकनाथ शिंदेंनी सर्वपक्षीयांची बैठक बोलावली आहे. तसेच, विरोधकांच्या अंतिम आठवडा प्रस्तावाला उपमुख्यमंत्री देवेंद्र फडणवीस हे उत्तर देणार आहेत.

लोकपाल विधेयकासाठी सरकारची धावाधाव

अधिवेशनाच्या शेवटच्या दिवशी लोकपाल विधेयक समंत करण्याचा सरकारचा प्रयत्न आहे. यासाठी आज सर्वपक्षीय गटनेत्यांची बैठक बोलावण्यात आली आहे. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थितीत ही बैठक होणार आहे. बैठकीला दोन्ही सभागृहाचे गटनेते, विधानसभा अध्यक्ष आणि विधान परिषद उपसभापती उपस्थित राहणार आहेत.