हरियाणात करनालमधील तरावडडी येथील एका राईस मिलची तीन मजली इमारत कोसळली. त्यामुळे 20 ते 25 मजूर ढिगाऱ्याखाली गाडले गेले आहेत. त्यापैकी चार मजुरांचा मृत्यू झाला आहे. इमारत कोसळल्याची माहिती मिळताच खळबळ उडाली. प्रशासन, पोलिस आणि बचाव पथक घटनास्थळी पोहोचले असून त्यांनी मदत आणि बचाव कार्य सुरू केले आहे. बचावकार्य अजूनही सुरू आहे.
इमारतीत 200 मजूर राहतात
मिळालेल्या माहितीनुसार, तरावडी येथील शिवशक्ती राईस मिलच्या तीन मजली इमारतीत सुमारे 200 मजूर राहत होते. यातील काही जण रात्री कामावर गेले होते. तर उर्वरित मजूर रात्री इमारतीतच झोपले होते. मंगळवारी पहाटे साडेतीनच्या सुमारास तीन मजली इमारत झोपलेल्या मजुरांवर कोसळली.
इमारत कोसळल्याने 20 ते 25 मजूर ढिगाऱ्याखाली गाडले गेले. त्यापैकी दोन मजुरांचा मृत्यू झाला. 18 मजूर जखमी झाल्याचे सांगण्यात येत आहे. जखमींना वैद्यकीय महाविद्यालयात उपचारासाठी दाखल करण्यात आले आहे.
अडकलेल्या मजुरांना बाहेर काढण्याचे काम सुरू
ढिगाऱ्याखाली दबलेल्या मजुरांना पोलिस आणि बचाव पथक बाहेर काढत आहे. घटनास्थळी उपस्थित मजूर अपघातामुळे प्रचंड घाबरलेले असून त्यांनाही योग्य माहिती देता येत नाही.
इमारत कोसळण्याचे कारण अद्याप अस्पष्ट
राईस मिलची तीन मजली इमारत कोसळल्याने या घटनेवर प्रश्न उपस्थित केले जात आहेत. तीन मजली इमारतीत 200 मजूर राहत होते. अशा स्थितीत ही इमारत एवढी जुनी झाली होती की, त्यांचे वजनही पेलता आले नाही, असा प्रश्न उपस्थित होत आहे. इमारत कोसळण्यामागची कारणे सध्या तरी उघड झालेली नाहीत.
डीसी आणि एसपी घटनास्थळावर
माहिती मिळताच पोलिस प्रशासनाचे पथक घटनास्थळी पोहोचले आणि बचावकार्य हाती घेण्यात आले आहे. डीसी अनिश यादव आणि एसपी शशांक सावनही घटनास्थळी पोहोचले आहेत.
