सोलापूरात पाण्यात भिजून एक दोन बिस्कीट पुढे देऊन नाटकी मदत करणारे नेते आले उदयास….!
सोलापूरात पाण्यात भिजून एक दोन बिस्कीट पुढे देऊन नाटकी मदत करणारे नेते आले उदयास….!
दे धक्का…
*****
बांधावरचे पाहणेकरी…
*****
सबंध महाराष्ट्रात पावसाचा हाहाकार दिसून येत आहे बळीराजाने असाहाय्य होऊनआपले हात टेकले आहेत गेली अनेक वर्षे हाच बळीराजा आभाळाकडे बघत पावसाची वाट पाहत असायचा. पण… पण… मात्र आता हाच बळीराजा याच पावसाकडे बघून म्हणतोय नको रे पावसा, एवढ धुऊन काढू नको… आम्ही काय पाप केलंय.. पावसाने आमच्या सगळेच हिरावून घेतले…. पण पाऊस काय ऐकतोय. या पावसानं इतक धुतलं की अनेकांचे संसार धुळीस नव्हे तर पाण्यात वाहून गेले.
अन्नदाता शेतकरी आज दानशूराकडून लेकरा बाळासाठी साध्या बिस्किटाचा सुद्धा वाट पाहतोय.
पण… याचे गांभीर्य आहे का कुणाला….?
अनेक आमदार, मंत्री, शासन आज पूरग्रस्तां च्या मदतीसाठी धावत आहेत, ही माणुसकीची गोष्ट चांगली आहे. … पण
आता यात पुन्हा पण… आलाच.
चला शेतकऱ्याच्या बांधावर… कोण जाणार..? जाणारे बरेचजण आहेत. आमदार, मंत्री, विरोधी पक्षाचे नेते, त्या त्या पक्षाचे तथाकथित नेते. पुन्हा पण… आलाच.
खर तर पूरग्रस्त भागात प्रशासकीय यंत्रणा चोख आणि चांगली कामगिरी बजावित आहे, जिथं
प्रशासन चुकतं त्या ठिकाणी झापलेच पाहिजे. पण… विनाकारण का..? आणि कशासाठी…?
आज बरेच लोकप्रतिनिधी शेतकऱ्याच्या बांधापर्यंत जात आहेत. हे स्तुत्य असले तरी हेच लोकप्रतिनिधी 50/60 शेतकऱ्यांना गोळा करून प्रशासनातील जिल्हाधिकारी, तहसीदार व इतर अधिकाऱ्यांना उलट सुलट बोलून त्यांना झापण्याचा नाटकी प्रयत्न करून आपली मिजासखोरी दाखविण्याचा केविलवाणा प्रयत्न करताना दिसून येतात.
किराणा दुकानात जाऊन सामान खरेदी केल्यास सारखं हातामध्ये चार पिशव्या घेऊन.. मदतीचा नाटक करत… सोबत चार लालची कार्यकर्त्यांना घेऊन जायचं की ज्यांना छान फोटो काढता येतं छान व्हिडिओ काढता येतं.. मग झालंच की काम… मदत एक.. आणि फोटो शंभर… मग त्या फोटोसाठी मुद्दाम पाण्यात उभारायचं.. पावसात उभारायचं.. आणि वरून मी एवढं केलं मी तेवढं केलं, कोणी काही करत नाही.. असं नकली एक्टिंग कशाला करायचं.. आणि कोणाला खुश करत आहात.. इतरांना खुश नव्हे तर स्वतःच्या अक्कल शून्य डोक्याला फसवत आहात…
काहीतरी दाखवायचे आणि लोकांना दिशाभूल करायचं सोलापुरात हेच चालू आहे.. पण हे सगळं सारखं सारखं पाहून सोलापूरकर सुद्धा हुशार झालेत…. त्यांना सगळं कळतंय बर का..
अहो… तुम्ही लोकप्रतिनिधी आहात मान्य, परंतु आज आहात उद्या नाही. खर काम करणार आहे ते प्रशासन. तुम्ही कितीही बोंबला… पण प्रशासनापुढे काहीही चालणार नाही हे लोकप्रतिनिधी आणि त्यांच्या बगलबच्यांनी लक्ष्यात ठेवावे, एवढेच. बाकी काय तुम्ही समजूतदार आहात. डोक्यात गेलं तर बरं होईल. तुम्ही पाहणेकरी होऊ नका मदतकरी व्हा.. मगच प्रशासनाला हिसका दाखवायचं.. जिद्द बाळगा.. नाहीतर.. स्वतःची फजिती.. झालीच म्हणून समजायचं… एवढेच सांगायचे..
पाहत राहा … लोक प्रहार न्यूज सोलापूर
