सोलापूर ( प्रतिनिधि):- सोलापूर शहरातील इसम नामे, राहुल पांडुरंग पाटील, वय-२५ वर्षे, रा. घ.नं. २२८, समाधान नगर, अक्कलकोट रोड, सोलापूर याचेविरुध्द सन २०२२, २०२३ व २०२४ या कालावधीमध्ये, सामान्य नागरीकांना शिवीगाळ, मारहाण व दमदाटी करुन गंभीर दुखापत करणे, घातक शस्त्राचा वापर करुन दहशत निर्माण करणे, गैरकायद्याची मंडळी जमा करुन दंगा करणे, सामान्य नागरीकांना व व्यापा-यांना दमदाटी करुन त्यांचेकडून पैसे काढून घेणे यासारखे गुन्हे दाखल असल्याने त्याचेविरुध्द एमआयडीसी पोलीस ठाणेकडून महाराष्ट्र पोलीस अधिनियम १९५१ कलम ५६ (१) (अ) (ब) अन्वयेचा तडीपार प्रस्ताव पोलीस उप-आयुक्त (परिमंडळ), सोलापूर शहर यांना सादर करण्यात आला होता.
सदर प्रस्तावाचे अनुषंगाने श्री विजय कबाडे, पोलीस उप-आयुक्त (परिमंडळ), सोलापूर शहर यांनी कार्यवाही करुन, त्यांचेकडील तडीपार आदेश क्र. ८५३/२०२४ दि.२६/०३/२०२४ अन्वये, इसम नामे, राहुल पांडुरंग पाटील, वय-२५ वर्षे, रा. घ.नं. २२८, समाधान नगर, अक्कलकोट रोड, सोलापूर यास सोलापूर जिल्हा व धाराशीव जिल्हा येथून दोन वर्षाकरीता दि.०९/०४/२०२४ पासून तडीपार केले आहे. त्यास तडीपार केल्यानंतर इंडी, विजयपुर, कर्नाटक येथे सोडण्यात आलेले आहे.
