सोलापूर शहर व जिल्ह्यातील माघवारीला जाणाऱ्या सर्व दिंडीचे एकत्रीकरण भाविक वारकरी मंडळ यांचे माध्यमातून करून प्रस्थान व रिंगण सोहळा सुरु केला आहे. माघ शुद्ध अष्टमीला दि. 05-02-2025 मंगळवार रोजी स. 9.00 वा. प्रदीप मोरे महाराज, मल्लिनाथ गट्टे, दगडू डोंगरे यांचे हस्ते पालखी पूजन केले आहे. वारकरी प्रथे प्रमाणे नित्य नियमाचे अभंग व भजन केले जाणार आहे. त्यावेळी जे उपस्थित सर्व दिंडीतील विणेकरी महाराज व पदाधिकारी यांचा हनुमान भजनी मंडळ कुरुल यांचे कडून सन्मान करण्यात आला. हा पालखी सोहळा ” ज्ञानोबा तुकाराम ” भजन करत पाटकर वस्ती मैदान, कुरुल ता. मोहोळ येथे पोहोचला आणि नंतर मान्यवर व ग्रामपंचायत कुरुल यांचे हस्ते अश्व पूजन केले व मान्यवरांचा सन्मान करून तदनंतर गोल रिंगण लाऊन घेतले, पहिले रिंगण ध्वजाधारी केले कारण दिंडीची सुरुवात पताकाने होते. तुळशी वृंदावनधारी महिला व मृदंगाचे रिंगण झाल्या नंतर विणेकरी रिंगण केले. शेवटी अश्व रिंगण सुरु झाले आणि भाविकांच्या मध्ये भक्तीमय वातावरण निर्माण झाले . यामध्ये 23 दिंडी सहभागी झाल्या होत्या . ” पंढरीची वारी आहे माझे घरी | आणिक न करी तीर्थ व्रत || ” या न्यायाने वारकरी पंढरीला चालत जातात.
हा सोहळा पाहण्यासाठी परिसरातील हजारो महिला व पुरुष भाविक उपस्थित होते . तसेच सुधाकर इंगळे महाराज (राष्ट्रीय अध्यक्ष ) यांच्या मार्गदर्शनाने संपन्न होत असून या सर्व कार्यक्रमासाठी जोतिराम चांगभले (प्रदेशअध्यक्ष ), सचिन गायकवाड ( उपाध्यक्ष ), तानाजी बेलेराव, सुरेश पोखरकर, गोरख शिंदे, ज्ञानेश्वर भोसले इ पदाधिकारी प्रमुख उपस्थित व……………
सर्व पदाधिकारीनी परिश्रम घेतले आहे .