सोलापुरात २१ वर्षीय तरुणी बेपत्ता; अपहरणाचा गुन्हा दाखल..!
सोलापूर : सोलापूर शहरातील सलगर वस्ती पोलीस ठाणे हद्दीत २१ वर्षीय तरुणी बेपत्ता झाल्याची घटना समोर आली आहे. याप्रकरणी तरुणीला अज्ञात व्यक्तीने फूस लावून पळवून नेल्याची तक्रार दाखल करण्यात आली असून, पोलिसांनी अपहरणाचा गुन्हा नोंदवला आहे.
पोलिसांनी दिलेल्या माहितीनुसार, कु. सरस्वती उदय सलगर (वय २१ वर्षे) ही तरुणी २८ सप्टेंबर २०२६ रोजी सायंकाळी सुमारे ६ वाजण्याच्या सुमारास बेपत्ता झाली. ती सोलापूर येथील बी.एम.आय.टी. कॉलेज येथे शिक्षण घेत असल्याचे तक्रारीत नमूद करण्यात आले आहे.
तरुणीचा शोध घेण्यासाठी सलगर वस्ती पोलिसांकडून तपास सुरू करण्यात आला आहे. तक्रारीनुसार अज्ञात व्यक्तीने तिला फूस लावून पळवून नेल्याचा संशय व्यक्त करण्यात आला आहे.
बेपत्ता तरुणीचे वर्णन — वय २१ वर्षे, रंग गोरा, उंची सुमारे ५ फूट ४ इंच, मराठी व हिंदी भाषा येते. तिच्या अंगावर फिकट निळ्या रंगाचे कपडे असल्याचे तक्रारीत नमूद आहे.
तरुणीबाबत कोणतीही माहिती मिळाल्यास सलगर वस्ती पोलीस ठाण्याशी संपर्क साधण्याचे आवाहन पोलिसांनी केले आहे
